فرمان الہی
نماز کے اوقات
کراچی پورٹ کے کے آئی سی ٹی ٹرمینل پر لگنے والی آگ نے 20 کنٹینرز کو لپیٹ میں لے لیا ۔ آگ لگنے کے بعد دو جہازوں کی ہینڈلنگ روک دی گئی۔
کراچی پورٹ کے کے آئی سی ٹی ٹرمینل پر لگنے والی آگ پر قابو پالیا گیا۔
ترجمان ریسکیو 1122 کے مطابق آگ کیماڑی ویسٹ وہارف میں کپڑے کے کنٹینر میں لگی، جس نے کئی کنٹینرز کو لپیٹ میں لے لیا، کنٹینرز میں الیکٹرونک آئٹمز، کیمیکل، کپڑا اور لیتھیم بیٹریز موجود ہیں۔
وزیر بحری امورجنید انوار چوہدری نے آگ لگنے کے واقعہ کا نوٹس لے لیا، آگ پر مکمل قابو پانے کے لیے تمام تر وسائل استعمال کرنےکی ہدایت کی۔
چیئرمین کے پی ٹی کا کہنا ہے کہ آگ بجھانے کے عمل میں تمام اداروں کا مؤثر تعاون حاصل رہا ، آگ نے تقریباً 20 کنٹینروں کو لپیٹ میں لے لیا تھا۔
