فرمان الہی
نماز کے اوقات
محکمۂ موسمیات نے بتایا ہے کہ بارش برسانے والا مغربی ہواؤں کا سلسلہ بلوچستان سے نکل گیا ہے۔
محکمۂ موسمیات کے مطابق کوئٹہ اور گرد و نواح میں مطلع صاف اور موسم سرد ہے۔
محکمۂ موسمیات نے بتایا ہے کہ قلات، زیارت، قلعہ عبداللّٰہ، قلعہ سیف اللّٰہ، مستونگ اور سوراب میں بھی صبح سے موسم شدید سرد ہے۔
محکمۂ موسمیات کے مطابق صوبے کے اکثر اضلاع میں آج موسم سرد اور مطلع جزوی ابر آلود رہنے کا امکان ہے۔
دوسری جانب محکمۂ موسمیات نے کراچی میں آئندہ 24 گھنٹوں کے دوران موسم خشک اور رات میں خنکی برقرار رہنے کا امکان ظاہر کیا ہے۔
محکمۂ موسمیات کے مطابق شہر میں کم سے کم درجۂ حرارت 12 سے 14 ڈگری سینٹی گریڈ تک رہنے کا امکان ہے جب کہ زیادہ سے زیادہ درجۂ حرارت 27 سے 29 ڈگری سینٹی گریڈ تک رہنے کا امکان ہے۔
محکمۂ موسمیات نے بتایا ہے کہ کراچی میں شمال سے ہوائیں 11 کلو میٹر فی گھنٹہ کی رفتار سے چل رہی ہیں جن میں نمی کا تناسب 58 فیصد ہے۔
محکمۂ موسمیات کے مطابق شہر میں گزشتہ روز رات کے وقت کم سے کم درجۂ حرارت 14 ڈگری سینٹی گریڈ ریکارڈ ہوا۔
