فرمان الہی
نماز کے اوقات
پرو ہاکی لیگ میں پاکستان ٹیم کی رہائش کے معاملے میں پاکستان ہاکی فیڈریشن (پی ایچ ایف) نے آسٹریلیا میں کھلاڑیوں کی غیر معیاری رہائش کی تردید کردی۔
ذرائع پاکستان ہاکی فیڈریشن نے پاکستان اسپورٹس بورڈ (پی ایس بی) کو آسٹریلیا میں واقع ہوٹل میں رہائش کےلیے درخواست جمع کروائی تھی، پی ایس بی نے انوائس کے مطابق ہوٹل میں رہائش کی ادائیگی کی۔
پی ایس بی نے فائیو اسٹار ہوٹل کے 12 ڈبل اور 2 سنگل کمروں کی پیشگی ادائیگی کی، پی ایس بی نے ہوٹل میں رہائش کیلئے پاکستان ہاکی فیڈریشن کو تقریباً 50 ہزار امریکی ڈالر ادا کیے۔
ذرائع کے مطابق رہائش کے ساتھ تین وقت کے کھانے کی مد میں فی کھلاڑی اور آفیشل کو 1610 امریکی ڈالر یومیہ الاؤنس بھی ادا کیا گیا۔
ذرائع نے کہا کہ رہائش کے تمام اخراجات پیشگی طور پر پاکستان ہاکی فیڈریشن کو ادا کیے جاچکے ہیں۔
