فرمان الہی
نماز کے اوقات
برطانیہ میں ویلنٹائن ڈے منانے کیلئے تیاریاں عروج پر پہنچ گئیں، جبکہ پھول فروشوں کے پاس جہاں ابتدائی آرڈرز موصول ہو رہے ہیں وہیں اسکی مانگ میں حیرت انگیز طور پر اضافہ دیکھا گیا ہے۔
14 فروری کو ویلنٹائن ڈے کے حوالے سے پھول فروشوں کے کاروبار میں تیزی دیکھی جا رہی ہے، زیادہ تر مقامات پر ایک ہی روز ڈلیوری کی پیشکش کی جا رہی ہے۔
ایک پھول اور رنگین پھولوں کے گچھے سے لیکر بڑے گلدستے تک مختلف پیکنگ میں آرڈرز کی تیاری کاکام جاری ہے، لگژری ڈپارٹمنٹل اسٹورز میں بڑے پیمانے پر لوگوں کو ڈلیوری کیلئے تیاریاں کی گئی ہیں۔
لوگ ویلنٹائن ڈے کے موقع پر بہترین رومانوی تحائف کا پھولوں کے ساتھ تبادلہ کرتے ہیں۔
ترجمان بلوم اینڈ وائلڈ نے کہا ہے کہ ہمیں رواں ہفتے ویلنٹائن ڈے منانے کیلئے ہزاروں صارفین کی مدد کرنے اور انکی خوشیوں میں شامل ہونے پر خوشی ہے۔
اپنے گلدستوں اور خدمات کے معیار پر فخر ہے تاہم کبھی کبھار ہم توقعات پر پورا نہیں اترتے مگر چیزوں کو بہتر سے بہتر کرنے کی جستجو میں رہتے ہیں۔
