فرمان الہی
نماز کے اوقات
بھارتی لیجنڈ اداکارہ شبانہ اعظمی نے پراتیک سمیتا پاٹل کے ساتھ جذباتی ویڈیو جاری کی، جو دیکھتے ہی دیکھتے سوشل میڈیا پر وائرل ہوگئی۔
ویڈیو میں 75 سالہ شبانہ اعظمی اور 39 سالہ پراتیک کو فلم کے سیٹ پر گلے ملتے دکھایا گیا ہے، اس فلم کی دائریکشن وکاس کھنہ دے رہے ہیں۔
پراتیک آنجہانی اداکارہ سمیتا پاٹل اور اداکار و سیاستدان راج ببر کے صاحبزادے ہیں، اداکار کی والدہ کی موت 31 سال کی عمر میں 1986ء میں ہوئی تھی۔
ویڈیو میں شبانہ اعظمی نے کہا کہ مجھے پراتیک کو گلے لگانے کےلیے 25 سال انتظار کرنا پڑا، یقین ہے سمیتا پاٹل آج ہمیں دیکھ رہی ہے، اداکار نے لیجنڈ اداکارہ کی بات کی تائید کی اور کہا کہ وہ ہمیں دیکھ کر مسکرا رہی ہیں۔
سمیتا پاٹل اور شبانہ اعظمی میں گہرا تعلق تھا، دونوں فلم ارتھ اور منڈی میں ایک ساتھ اداکاری کے جوہر دکھائے تھے۔
ایک پرانے انٹرویو میں پراتیک نے انکشاف کیا تھا کہ میری پیدائش کے دوران والدہ کی موت کے بعد شبانہ اعظمی اور جاوید اختر مجھے گود لینا چاہتے تھے۔
انہوں نے کہا کہ والدہ کی موت کے بعد حالات پیچیدہ ہوگئے تھے، جس کی وجہ سے یہ ممکن نہ ہوسکا، اگر ایسا ہوجاتا تو ممکنہ طور پر فرحان اختر میرے سوتیلے بھائی ہوتے۔
