فرمان الہی
نماز کے اوقات
وجے دیوراکونڈا اور رشمیکا مندانہ کی شادی کا دعوت نامہ منظر عام پر آگیا۔
فلمی دنیا کے مشہور جوڑے کے سوشل میڈیا پر وائرل ہونے والے دعوت نامے میں شادی اور مہمانوں کےلیے استقبالیے کی تاریخ واضح طور پر موجود ہیں۔
دعوت نامے کے مطابق 26 فروری 2026ء کو سادہ اور نجی تقریب میں جوڑا رشتہ ازدواج میں منسلک ہوگا جبکہ 4 مارچ کو حیدرآباد دکن میں شاندار استقبالیہ منعقد کیا جائے گا۔
اس دعوت نامے میں وجے دیوراکونڈا نے اہل خانہ کی دعاؤں اور محبت کا ذکر کیا اور قریبی افراد کو اس پرمسرت موقع میں شرکت کا کہا ہے۔
اگرچہ قریبی ذرائع نے شادی کے منصوبے کی تصدیق کی ہے، تاہم دونوں اداکاروں کی جانب سے تاحال کوئی باضابطہ بیان جاری نہیں کیا گیا۔
وجے اور رشمیکا نے پہلی بار 2018 میں فلم ’’گیتا گووندَم‘‘ میں ایک ساتھ کام کیا تھا، جس کے بعد ان کی جوڑی ’’ڈیئر کامریڈ‘‘ میں بھی نظر آئی۔
ان کی آن اسکرین کیمسٹری نے مداحوں میں حقیقی زندگی کے تعلق کی قیاس آرائیوں کو جنم دیا، لیکن دونوں ہمیشہ خود کو ’صرف دوست‘ کہتے رہے۔
دونوں فنکار اس وقت اپنے کیریئر کے عروج پر ہیں اور بھارتی سنیما میں نمایاں مقام رکھتے ہیں۔
