فرمان الہی
نماز کے اوقات
وزیراعظم پاکستان شہباز شریف نے پاکستان ہاکی فیڈریشن (پی ایچ ایف) پر ایڈہاک لگاتے ہوئے سیکریٹری بین الصوبائی رابطہ محی الدین وانی کو ایڈہاک بنیادوں پر فیڈریشن کا صدر مقرر کردیا۔
پچھلے دنوں پاکستان ہاکی میں بدانتظامی کے معاملات سامنے آئے، کھلاڑیوں نے ٹیم مینجمنٹ پر الزامات لگائے جبکہ ٹیم مینجمنٹ نے ان الزامات کی سختی سے تردید کی۔
وزیر اعظم نے ان تمام معاملات کا نوٹس لیا، جس کے بعد پاکستان ہاکی فیڈریشن کے صدر طارق بگٹی نے مینجمنٹ اور فیڈریشن کے خلاف الزامات پر قومی ہاکی ٹیم کے کپتان عماد بٹ پر دو سال کی پابندی لگائی اور خود صدر کی حیثیت سے استعفیٰ دے دیا۔
وزیر اعظم نے طارق بگٹی کا استعفیٰ منظور کرتے ہوئے سیکریٹری بین الصوبائی رابطہ محی الدین وانی کو ایڈہاک بنیادوں پر ہاکی فیڈریشن کا صدر تعینات کردیا۔
