فرمان الہی
نماز کے اوقات
کراچی سمیت ملک بھر کے لیے بجلی 1 روپے 78 پیسے مہنگی کرنے کی درخواست پر سماعت مکمل کرنے کے بعد نیپرا نے فیصلہ محفوظ کر لیا۔
اس سے متعلق فیصلہ بعد میں جاری کیا جائے گا۔
سینٹرل پاور پرچیزنگ ایجنسی (سی پی پی اے) نے جنوری کی ماہانہ ایڈجسٹمنٹ کی درخواست نیپرا میں جمع کرائی تھی جس میں 1 روپے 78 پیسے فی یونٹ اضافے کی گزارش کی تھی۔
حکومتی پالیسی گائیڈ لائنز کے مطابق جو بھی فیصلہ ہو گا اس کا اطلاق کے الیکڑک صارفین پر بھی ہو گا۔
جنوری کی فیول پرائس ایڈجسٹمنٹ پر نیپرا میں سماعت کے موقع پر نیپرا کو بریفنگ میں بتایا گیا کہ جنوری میں فی یونٹ فیول لاگت تخمینہ 10 روپے 39 پیسے تھا جبکہ جنوری میں فی یونٹ فیول لاگت 12 روپے17 پیسے رہی۔
