فرمان الہی
نماز کے اوقات
سینئر اسرائیلی حکام نے دعویٰ کیا ہے کہ ایرانی سپریم لیڈر آیت اللّٰہ علی خامنہ ای کی میت مل گئی ہے۔
برطانوی میڈیا نے بھی اسرائیلی حکام کے حوالے سے کہا ہے کہ خامنہ اِی کی لاش ملی ہے۔
اسرائیلی میڈیا کا کہنا ہے کہ ایرانی سپریم لیڈر ساتھیوں کے ہمراہ زیر زمین بینکر میں تھے، ایرانی سپریم لیڈر درجنوں ساتھیوں سمیت مارے گئے ہیں۔
اسرائیلی میڈیا کا دعویٰ ہے کہ آیت اللّٰہ علی خامنہ ای کی میت کی تصویر امریکی صدر اور اسرائیلی وزیراعظم کو دکھائی گئی ہے۔
امریکی حکام نے بھی تصدیق کی ہے کہ ہمیں یقین ہے کہ خامنہ ای اور 5 سے 10 اعلیٰ ایرانی رہنما کمپاؤنڈ پر اسرائیلی حملے میں مارے گئے ہیں۔
دوسری جانب ایرانی سپریم لیڈر آفس کے ترجمان نے کہا ہے کہ دشمن اعصابی جنگ کا سہارا لے رہا ہے، عوام ہوشیار رہیں۔ عوام دشمن کے پروپیگنڈے سے آگاہ رہیں۔
اس حوالے سے ایرانی وزارت خارجہ نے دعویٰ کیا ہے کہ آیت اللّٰہ خامنہ ای اور ایرانی صدر خیریت سے ہیں۔
اس سے پہلے اسرائیلی وزیراعظم نیتن یاہو نے دعویٰ کیا تھا کہ ایسے اشارے ملے ہیں کہ ایرانی سپریم لیڈر خامنہ ای اب نہیں رہے۔
انہوں نے یہ بھی کہا کہ خامنہ اِی کی موت کی تصدیق نہیں کی گئی، ایرانی پاسدارانِ انقلاب کے کمانڈر بھی مارے گئے۔
بھارتی میڈیا نے دعویٰ کیا ہے کہ آیت اللہ خامنہ ای کے داماد اور بہو بھی جاں بحق ہوگئے ہیں۔
