فرمان الہی
نماز کے اوقات
اسلام آباد میں بلدیاتی انتخابات میں تاخیر کے معاملے پر الیکشن کمیشن نے وفاقی وزیرِ داخلہ محسن نقوی کو ذاتی حیثیت میں طلب کر لیا۔
چیف الیکشن کمشنر سکندر سلطان راجہ کی سربراہی میں 5 رکنی بینچ نے سماعت کی۔
سیکریٹری داخلہ الیکشن کمیشن میں پیش نہیں ہوئے، الیکشن کمیشن نے ان کو توہینِ الیکشن کمیشن کا نوٹس جاری کر دیا۔
دورانِ سماعت چیف الیکشن کمشنر نے سوال کیا کہ سیکریٹری داخلہ کہاں ہیں؟ اگر سیکریٹری نہیں آ رہے تو وزیرِ داخلہ کو ذاتی حیثیت میں طلب کرتے ہیں، آئندہ سب سماعت پر وفاقی وزیرِ داخلہ خود آئیں گے، آئی سی ٹی حکام آپ جائیں اور کہیں کہ ہمیں الیکشن کمیشن میں سنا نہیں گیا۔
الیکشن کمیشن کے حکام نے کہا کہ سیکریٹری داخلہ کو لیٹر بھیجا تھا لیکن وہ تعاون نہیں کر رہے، ہم نے لیٹر بھیجا لیکن کوئی جواب نہیں آیا۔
جس پر چیف الیکشن کمشنر نے کہا کہ سیکریٹری داخلہ کو توہینِ الیکشن کمیشن کا نوٹس جاری کریں۔
