فرمان الہی
نماز کے اوقات
ایران اور امریکا کے درمیان کشیدگی کے خاتمے کے لیے ثالثی کوششوں کے سلسلے میں تہران میں فیلڈ مارشل سید عاصم منیر کی ایرانی صدر مسعود پزشکیان سے ملاقات ہوئی ہے۔
ایرانی میڈیا کے مطابق فیلڈ مارشل سید عاصم منیر نے ایرانی پارلیمنٹ کے اسپیکر قالیباف سے بھی ملاقات کی ہے۔
ایرانی میڈیا کا کہنا ہے کہ ملاقات میں وزیرِ داخلہ محسن نقوی بھی شریک تھے۔
اس سے قبل ایران میں فیلڈ مارشل سید عاصم منیر کی ایرانی وزیرِ خارجہ عباس عراقچی سے ملاقات ہوئی تھی، جس میں خطے میں کشیدگی کم کرنے، امن، استحکام اور مغربی ایشیاء کی سیکیورٹی سے متعلق سفارتی کوششوں پر گفتگو کی گئی۔
واضح رہے کہ گزشتہ روز چیف آف آرمی اسٹاف و چیف آف ڈیفنس فورسز فیلڈ مارشل عاصم منیر امریکا ایران ثالثی کی کوششوں کے سلسلے میں تہران پہنچے تھے۔
یاد رہے کہ فیلڈ مارشل کا دورہ ایسے وقت میں ہوا ہے جب امریکی جنگ بندی کی تجاویز پر ایران اپنا ردِعمل دینے کے قریب ہے۔
وزیرِ داخلہ محسن نقوی بھی ایران میں موجود ہیں جو امریکا ایران مذاکرات سے متعلق اہم ملاقاتیں جاری رکھے ہوئے ہیں۔
