• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہاتھ نہ ملانے پر مصر اولمپک کمیٹی نے جوڈو کھلاڑی وطن واپس بھیج دیا

تازہ ترین
کھیلوں کی خبریں
16 اگست ، 2016
Not To Shake Hand With Israel Player Egypt Olympic Commitee Sent His Player Back To Country
مصر کی اولمپک کمیٹی نے ریو اولمپکس میں اپنے ملک کے جوڈو کھلاڑی اسلام الشہابی کو اسرائیل کے جوڈوکھلاڑی سے ہاتھ نہ ملانے پر وطن واپس بھیج دیا ہے۔

مصر کے اسلام الشہابی اور اسرائیل کے سیسن کے درمیان جوڈو کی فائٹ جمعے کو ہوئی تھی ، مقابلے کے اختتام پر جب سیسن نے روایت کے مطابق مصری جوڈوکا کی جانب ہاتھ بڑھایا تو34 سالہ اسلام الشہابی نے ہاتھ ملانے سے انکار کردیا۔

الشہابی کی اس حرکت پر انٹرنیشنل اولمپک کمیٹی نے اُن کو سخت تنبیہ کی ۔ آئی او سی کا کہنا ہے کہ الشہابی کی یہ حرکت اولمپک کے وقار اور کھیل کی اسپرٹ کے منافی ہے۔

اسرائیل کے جوڈوکا سے ہاتھ نہ ملانے پر شائقین نے الشہابی کے خلاف اپنی ناپسندیدگی کا اظہار کیا جس کے بعد مصر کی اولمپک کمیٹی نے اپنے کھلاڑی کے خلاف کارروائی کرتے ہوئے اُسے وطن واپس بھیج دیا۔
تازہ ترین