فرمان الہی
نماز کے اوقات
بالی ووڈ اداکار رنویر شورے اور پوجا بھٹ کے درمیان 20 سال قبل ہونے والے تنازع اور گرفتاری کے واقعے پر ایک بار پھر شوبز انڈسٹری میں گرما گرمی شروع ہو گئی۔
سدھارتھ کنن کے پوڈ کاسٹ میں پوجا بھٹ کے بھائی راہول بھٹ نے اعتراف کیا کہ دو دہائیاں قبل رنویر اور پوجا کی لڑائی کے دوران انہوں نے قانون ہاتھ میں لیا۔
راہول نے بتایا کہ انہوں نے رنویر کی گاڑی کے شیشے اور ان کی پسلی توڑ دی تھی جس پر وہ گرفتار بھی ہوئے تھے، لیکن رنویر نے انتہائی شرافت کا مظاہرہ کرتے ہوئے کیس واپس لے کر معاملہ ختم کروایا تھا۔
راہول بھٹ کے اس بیان کے بعد رنویر شورے نے سوشل میڈیا پر پوسٹ کرتے ہوئے لکھا کہ مجھے خوشی ہے کہ 20 سال سے جاری زہریلے پروپیگنڈے اور جھوٹ کے بعد سچ سامنے آ رہا ہے، لیکن میں ایک بات واضح کردوں کہ کسی بھی زہریلی شخصیت سے بچنے کے لیے اپنا دفاع کرنا مار پیٹ کے زمرے میں نہیں آتا۔
رنویر اور پوجا 2000ء کی دہائی کی شروعات میں ایک ساتھ ریلیشن شپ میں تھے، لیکن ان کے رشتے کا اختتام شدید تنازعات اور پولیس کیسز پر ہوا تھا۔
