کراچی(اسٹاف رپورٹر) انٹرنیشنل بیڈمنٹن سیریز منگل سے اسلام آ باد میں شروع ہوگئی۔ افتتاحی تقریب میں شریک کھلاڑیوں نے مارچ پاسٹ کیا اور ان سے حلف لیا گیا۔ پاکستان اسپورٹس کمپلیکس اسلام آباد میں کھیلے جانیوالے انٹرنیشنل ایونٹ کا افتتاح وفاقی وزیر برائے بین الصوبائی رابطہ ریاض حسین پیر زادہ نے کیا۔ بعض غیر ملکی کھلاڑیوں کی عدم شرکت کے باعث ڈراز میں تبدیلی بھی کی گئی، جس کی وجہ سے پہلے روز سات میچز میں واک اوور دئیے گئے ۔مینز سنگلز میں محمد عرفان سعید نے حاشر بشیر کو آسان مقابلے کے بعد 21-9 ،21-9سے شکست دی ۔ملائشیا کے چٹ وین وانگ کو پاکستان کے عامر سعید کے ہاتھوں سخت مقابلے کے بعد 21-10,10-21اور21-18سے شکست کا سامنا کرنا پڑا، شام کے بشنو کیٹوال نے پاکستان کے انجم بشیر کو 21-5،21-1سے جبکہ عراق کے محمد سلیم نے پاکستان کے عبد الرحمن کو 21-5،21-1سے شکست دی۔ پاکستان کے جمیل سبحان نے کینیڈا کے ژوا ژونگ کیخلاف 21-8اور21-11سے کامیابی حاصل کی ۔
فرمان الہی
نماز کے اوقات
