زندگی کو سمجھنے کے لئے تعلیم بےحد ضروری ہے، نوازالدین صدیقی

گینگ آف واسع پور اور بجرنگی بھائی جان جیسی فلموں سے شہرت حاصل کرنے والے بالی وڈ اداکار نوازالدین صدیقی کا کہنا ہے کہ زندگی کو سمجھنے کے لئے تعلیم بےحد ضروری ہے۔

بھارتی ذرائع ابلاغ کے مطابق نوازالدین نے کہا کہ کسی کے ہنر کو تراشنے میں تعلیم کی اہمیت سے انکار نہیں کیا جاسکتا۔انہوں نے کہاکہ تعلیم بہت ضروری ہے،یہ زندگی کو سمجھنے اور آگے بڑھنے کے لئے ضروری ہے۔

نواز صدیقی نے کہا کہ تعلیم سے انسان کے لیے بہت سی چیزیں آسان ہوجاتی ہیں۔اداکار نے کہا کہ اگر آپ ہنر مند ہیں تو بھی اپنی صلاحیت کو نکھارنے کےلئے آپ کو تعلیم کی ضرورت ہے۔