اسلامی تعاون تنظیم کی مقبوضہ کشمیرمیں بھارتی دہشتگردی کی مذمت

اسلامی تعاون تنظیم نے مقبوضہ کشمیرمیں بھارت کی ریاستی دہشت گردی کی شدید مذمت کرتے ہوئے بھارت سے مسئلہ کشمیر اقوام متحدہ کی قراردادوں کے مطابق حل کرنے کا مطالبہ کیا ہے۔

افریقی ملک آئیوری کوسٹ میں اسلامی تعاون تنظیم وزرائے خارجہ کے چوالیسویں اجلاس میں مسئلہ کشمیر کے جلد حل کے لیے قرار داد پیش کی گئی ۔

قرارداد کے مطابق کشمیریوں کی جدوجہد آزادی کو دہشت گردی سے منسلک نہیں کیا جاسکتا، مسئلہ کشمیر پاکستان اور بھارت کے درمیان بنیادی مسئلہ ہے، اس کا جلد حل جنوبی ایشیا میں امن کے لیےانتہائی اہم ہے۔

او آئی سی ممالک نے اقوام متحدہ اور عالمی برادری سے مطالبہ کیا کہ مقبوضہ کشمیر میں بھارتی مظالم ختم کرائے جائیں۔