رحیم یار خان: مسافر بس اور کار میں تصادم ، 5 افراد جاں بحق

رحیم یار خان کے علاقے کوٹ سمابہ میں مسافر بس اور گاڑی کے تصادم میں 5 افراد جاں بحق، جبکہ 14 زخمی ہوگئے۔

ذرائع کے مطابق امدادی ٹیموں نے بتایا کہ حادثہ بارش کے باعث سڑک پر پھسلن کی وجہ سے پیش آیا، جس کی وجہ سے ڈرائیور گاڑی پر قابو نہ رکھ سکا۔

مسافر کوچ لاہور سے صادق آباد جارہی تھی۔ لاشوں کو ضروری کارروائی، جب کہ زخمیوں کو ابتدائی طبی امداد کیلئے شیخ زید اسپتال منتقل کردیا گیا۔

حادثے میں مسافر بس کا ڈرائیور بھی شدید زخمی ہوا ہے۔