پاکستان اسٹاک: ہنڈریڈ انڈیکس میں 57 پوائنٹس کی کمی

ملک میں جاری سیاسی صورتحال کے باعث زرمبادلہ کے ذخائر میں نمایاں کمی ہوئی ہے اور جاری خسارے میں مسلسل اضافے کے منفی اثرات پر حصص بازار پر منفی اثرات مرتب ہورہے ہیں۔

پاکستان اسٹاک ایکسچینج کاہنڈریڈ انڈیکس آج 57 پوائنٹس کمی سے 43 ہزار 78 کی سطح پر بند ہوا۔

پاکستان اسٹاک ایکسچینج میں کاروباری ہفتے کے آخری روز بھی سرمایہ کار محتاط نظر آئے اور کاروبار کے دوران 750 پوائنٹس کی مندی دیکھی گئی۔

تاہم کاروبار کے اختتام پر ہنڈریڈ انڈیکس 57 پوائنٹس کمی سے 43 ہزار 78 کی سطح پر بند ہوا، حصص بازار میں 18 کروڑ 79لاکھ شیئرز کے کے سودے ہوئے، جن کی مالیت 11 ارب 27 کرور روپے تھی۔

معاشی تجزیہ کاروں کا کہنا ہے کہ ملک میں جاری سیاسی کشمکش، برآمدات میں تواتر کے ساتھ کمی سے جاری کھاتوں کے خسارے میں اضافے اور قرض سمیت درآمدی ادائیگی پر زر مبادلہ کے ذخائر میں نمایاں کمی کے منفی اثرات پاکستان اسٹاک ایکس چینج پر مرتب ہو رہے ہیں۔