امریکا نے چین کو عالمی بنک کے قرض کی فراہمی کی مخالفت کردی

ٹرمپ انتظامیہ نے عالمی بنک کی چین کوقرض کی پیشکش کی مخالفت کر دی، امریکہ کا کہنا ہے کہ ورلڈ بنک کی چین کو مدد کی فراہمی سے واشنگٹن اور بیجنگ کے مابین تناؤ اور کشیدگی میں اضافہ ہو گا۔

عالمی بنک کو چین اور کم آمدنی والے ممالک کی امداد کا از سر نو جائزہ لینا چاہئے، چین اور ورلڈ بنک کے مابین ٹرمپ انتظامیہ سب سے بڑی رکاوٹ ہے۔ چینی میڈیا رپورٹس کے مطابق امریکانے ورلڈ بنک کی چین کو مدد کی پیشکش کی مخالفت کر دی۔

عالمی بینک کے صدر جم یونگ کم نے اضافی مالی وسائل کے لئے زور دیا اور امید کی تھی کہ حصص داروں کو واشنگٹن میںرواں ہفتہ کے سالانہ اجلاسوں میں اضافے کے لئے کم از کم ایک ٹائم سیٹ قابل قبول ہوگا۔

لیکن ٹرمپ انتظامیہ اس میں روڑے اٹکا رہی ہے۔ امریکا کا کہنا ہے کہ سب سے پہلے ورلڈ بنک کی بیلنس شیٹ کی جانچ پڑتال کی جائےاور چین کو قرض کی فراہمی میں کمی کی جائے کیو نکہ چین ورلڈ بنک کا سب سے بڑا قرض دہندہ ہے۔

تجزیہ کاروں کا کہنا ہے کہ ڈونلڈ ٹرمپ کی جانب سے یہ ایک اور تنا زع جنم لے رہا ہے جو بین الاقوامی نظام کے لئے خطرہ ہے۔ واضح رہے کہ امریکہ نے گذشتہ جمعرات کو اقوام متحدہ کے ادارے یونیسکو سے بھی دستبرداری کا اعلان کیا تھا۔