برطانیہ میں سگریٹ پینے والے مریضوں کا اس وقت تک آپریشن نہیں کیا جائے گا جب تک وہ یہ ثابت نہ کریں کہ انہوں نے سگریٹ نوشی ترک کر دی ہے۔
اسی طرح حد سے زیادہ وزن والے مریضوں کو سرجری سے پہلے کم از کم 10 فیصد وزن کم کرنا ہوگا۔
برطانوی میڈیا کے مطابق یہ فیصلہ کیا گیا ہے کہ برطانیہ کے دو میڈیکل ٹرسٹ گروپس نے جو اپنے زیر انتظام چلنے والے اسپتالوں میں 68ملین پونڈ سالانہ کی بچت کرنا چاہتے ہیں۔
ان ٹرسٹ کے ترجمان کا کہنا ہے کہ جن مریضوں نے اپنا لائف اسٹائل بہتر نہیں بنایا انہیں آپریشن کے لیے صرف ہنگامی صورت میں ہی ریفر کیا جائے گا۔
یہ اقدام برطانیہ کی نیشنل ہیلتھ سروسز میں ہونے والی میڈیکل راشنگ کی ایک مثال ہے،جس پر بعض طبی حلقوں کی جانب سے شدید تنقید بھی کی جا رہی ہے۔