فرمان الہی
نماز کے اوقات
چار ملکی ہاکی ٹورنامنٹ کے پہلے میچ میں پاکستان کو میزبان اور عالمی چیمپئن آسٹریلیا نے 1 کے مقابلے 9 گولز سےمات دیدی ہے، یہ پاکستانی ہاکی ٹیم کی تاریخ کی بدترین شکست ہے۔
میلبرن کے نیٹ بال اینڈ ہاکی سینٹر میں کھیلے جانے والے میچ میں میزبان ٹیم نے ابتدا سے ہی جارحانہ کھیل پیش کیا، پاکستان کے گول پر بار بار حملے کئے اور میچ کے آخر تک اپنا زور بنائے رکھا۔
میچ میں آسٹریلیا کے بلیک گوورز نے ہیٹ ٹرک اور آرون کلنس مڈ نے 2 گولز اسکور کئے، میچ میں پاکستان کی جانب سے واحد گول ابوبکر محمود نے کیا۔
پاکستان کی یہ کسی بھی میچ میں اب تک کی سب سے بدترین شکست رہی ہے، اس سے قبل 2006ء میں اسپین میں ہونے والی چیمپئن ٹرافی کے دوران ہالینڈ نے پاکستان کو 2 کے مقابلے میں 9 گولز سے ہرایا تھا۔
آسٹریلیا میں جاری اس چار ملکی ہاکی ٹورنامنٹ میں شریک دیگر ٹیمیں جاپان اور نیوزی لینڈ کی ہیں، پاکستانی ہاکی ٹیم آج جمعرات کو اپنا دوسرا میچ جاپان کے خلاف کھیلے گی جبکہ 11 نومبر کو اس کا ٹاکرا نیوزی لینڈ سے ہوگا۔
