کیچڑ اچھالنے کی سیاست کسی کے مفاد میں نہیں: ثروت اعجاز

11 نومبر ، 2017

Politics Is Not In Any Interest In The Crisis Sarwat Ejaz

سربراہ پاکستان سنی تحریک محمد ثروت اعجاز قادری نے کہا ہے کہ کیچڑ اچھالنے یا ایک دوسرے کو نیچا دیکھانے کی سیاست کسی کے مفاد میں نہیں ہے۔

مرکز اہلسنت پر اورنگی ٹاؤن اور نیوکراچی کے کارکنان کے اجلاس سے خطاب کرتے ہوئے ثروت قادری نے کہا کہ قوم حقوق اور مسائل کا حل چاہتی ہے۔

انہوں نے مزید کہا کہ عوامی مینڈیٹ لینے والوں نے عوامی حقوق فراہم نہ کرکے مینڈیٹ کی توہین کی ہے، جمہوری اقدار وسوچ کو اپناکر ہی آگے کی طرف بڑھا جاسکتا ہے۔

ثروت اعجاز کا کہنا ہے کہ غیرسیاسی قوتوں کے اشاروں پر چلنے والوں سے عوام کو نعروں اور دعوؤں کے بجائے کچھ نہیں ملا۔

سربراہ سنی تحریک نے یہ بھی کہا کہ عوام بلند بانگ دعوئے والوں کی بجائے اپنے شعور کا استعمال کرتے ہوئے عوامی درد رکھنے والوں کو مینڈیٹ دیں۔

تازہ ترین