اسلام آباد(سپورٹس رپورٹر)پاکستان بیڈمنٹن فیڈریشن کے زیر اہتمام منعقدہ انٹرنیشنل بیڈمنٹن سیریز 2017میں پاکستانی کھلاڑیوں نے دو کیٹیگریز میں جبکہ غیر ملکی کھلاڑیوں نے چار کیٹگریز میں فائنل کیلئے کوالیفائی کرلیا۔وفاقی دارلحکومت ،اسلام آباد میں جاری اس سیریز کے مینز سنگلز کے سیمی فائنلز میں ترکی کے کھلاڑی ایمرے لال نے پاکستانی کھلاڑی رضوان اعظم ، ویتنام کے ڈوس فیٹ لی نے پاکستانی عرفان سعید بھٹی کوہراکر فائنل کیلئے کوالیفائی کر لیا۔ویمن سنگلز سیمی فائنلز میں سری لنکن کھلاڑی حسینی ناوساکا نے پاکستانی سحرا اکرم جبکہ پاکستانی ماہ نور شہزاد نے ویتنام کی تھی فونگ تھوئی تران کو ہرا کر فائنل میں جگہ بنا ئی۔مینز ڈبلز سیمی فائنل میں رضوان اعظم اور کاشف سلہری نے محمد عتیق اور اویس زاہد کوجبکہ مکسڈ ڈبلز سیمی فائنل میں نیپال کے رتنا جیت تمانگ اور نانگسل تمانگ نے ہم وطن بشنو کٹوال اور سونیانامخیا کوہرا کر فائنل میں جگہ بنا لی۔فائنل میچ آج کھیلے جائینگے۔
فرمان الہی
نماز کے اوقات
