مانچسٹر( تنویر کھٹانہ) جہلم فورم کے نو منتخب عہدیداران اور ممبران کا مشاورتی اجلاس گریٹر مانچسٹر کے نو منتخب صدر چوہدری انور یعقوب کی زیر صدارت منعقد ہوا۔ اجلاس میں نائب صدر فرخ صدیق، ایگزیکٹو ممبر سہیل ظفر، جنرل سیکرٹری تنویر کھٹانہ، فنانس سیکرٹری محی الدین چیمہ الیکشن کمشنر ہارون کھٹانہ، معاون خصوصی مقدسہ بانو اور بانی ممبران سے الیاس گوندل اور کرنل وسیم نے شرکت کی۔ مشاورتی اجلاس میں ہفتہ کے روز آئندہ کے لائحہ عمل میں جہلم فورم کی ویب سائٹ، فیس بک پیج کی باقاعدہ اشاعت، بلیک برن برانچ کا رابطہ گروپ، گریٹر مانچسٹر برانچ کی خالی نشستوں پر عہدیداروں کا انتخاب اور ضلع جہلم میں رفاعی کاموں میں مصروف تنظیموں کے ساتھ مل کر کام کرنے پر اتفاق کیا گیا۔ اجلاس میں گریٹر مانچسٹر برانچ کے صدر چوہدری انور یعقوب کا کہنا تھا کہ گریٹر مانچسٹر میں ضلع جہلم کے بہترین دماغ موجود ہیں ان کو ایک پلیٹ فارم پر لا کر ضلع جہلم کی فلاح و بہبود کے لیے اپنا کردار ادا کروں گا۔ ہفتے کے روز اجلاس میں ایجنڈے پر نو منتخب عہدیدار اپنی رائے دیں گے تاکہ آئندہ کے لائحہ عمل کو وضع کیا جا سکے اور ضلع جہلم سے تعلق رکھنے والی کمیونٹی کو درپیش مسائل کا حل موثر طریقے سے کیا جاسکے۔ اجلاس میں برطانیہ کے دیگر شہروں میں ذیلی شاخیں بنانے کی تجویز پر بھی اتفاق کیا گیا۔
فرمان الہی
نماز کے اوقات
