بھارتی حکمران جماعت کے وزیر کی جانب سے کینسر کو خدائی انصاف قرار دینے پر انھیں شدید تنقید کا سامنا ہے ۔انکا کہناتھا کہ کینسر گناہ گاروں کو ہوتا ہے۔
ریاست آسام کے وزیرِ صحت ہیمانتا بسوا شرما نے کہا تھا کہ لوگوں کو کینسر جیسی بیماریاں 'ان کے والدین کے گناہوں کی وجہ سے لاحق ہو سکتی ہیں۔
انکے اس ظالمانہ بیان پر کینسر میں مبتلا افراد نے اس پر شدید غم و غصے کا اظہار کیا، اورریاستی وزیر صحت پر شدید تنقید کی۔اورمخالفین نے وزیر سے فوری معافی کا مطالبہ کیا ۔جبکہ سوشل میڈیا پر بھی ہیمانتا بسوا شرما کے بیان پر کافی تنقید کی گئی۔
دریں اثنا ہیمانتابسوا شرما نے اپنے بیان پر معذرت کرتے ہوئے کہا ہے کہ انکی بات کو سیاق وسباق سے ہٹ کر لیا گیا ہے، میرے والد سمیت کئی احباب و رشتہ دار اس مرض کا شکار ہوئے ہیں، میرے بیان سے اگر کسی کو تکلیف پہنچی ہو تو میں معذرت خواہ ہوں۔