جلوسوں کو مکمل سیکیورٹی فراہم کی جائے، ثروت قادری

سربراہ سنی تحریک ثروت اعجاز قادری نے عید میلاالنبی صلیٰ اللہ علیہ وآلہ وسلم کے جلوسوں اور محفلوں کو مکمل سیکیورٹی فراہم کرنے کا مطالبہ کیا ہے۔

سربراہ پاکستان سنی تحریک ثروت اعجاز قادری نے نمائش چورنگی پر عید میلادالنبی کے موقع پر لگائےگئے کیمپ کا دورہ بھی کیا۔

اس موقع پر میڈیا سے گفتگو کرتے ہوئےثروت اعجاز قادری نے کہا کہ گورنر سندھ نے سیکیورٹی کی یقین دہانی کروائی تھی مگر کہی کوئی سیکیورٹی نظر نہیں آرہی۔

انھوں نے سندھ حکومت سے تمام جلوسوں اور محفلوں کو سیکیورٹی فراہم کرنے کی اپیل کی۔

سنی تحریک کے سربراہ کراچی بلدیاتی نظام اور سندھ حکومت پر تنقید کرتے ہوئے کہا کہ دو ماہ سے صفائی کا کہنے کے باوجود صفائی کے انتظامات نہیں کئے گئے۔