امیر کویت نے نئی کابینہ کی منظوری دیدی، بیٹا نائب وزیراعظم مقرر

کویت کے امیر شیخ صباح الاحمد الصباح نے نئی کابینہ کی تشکیل کی منظوری دے دی ہے، نئی کابینہ میں امیرکویت کے صاحبزادے بھی شامل ہیں۔

عرب ٹی وی کے مطابق کویت کے امیر شیخ صباح الاحمد الصباح نے ایک حکم نامے کے ذریعے پیر کو شیخ جابر المبارک الصباح کو وزیر اعظم مقرر کرتے ہوئے نئی کابینہ کی تشکیل کا حکم دے دیا ہے۔

نئی کابینہ میں دو خواتین سمیت پندرہ ، وزراء شامل کئے گئے ہیں۔ نئے سیٹ آپ میں امیر کویت کے صاحبزادے شیخ ناصر صباح الاحمد کو نائب وزیر اعظم اور وزیر دفاع مقرر کیا گیا ہے۔