پاکستان انڈر19 نے نیوزی لینڈ کیخلاف سیریز جیت لی

پاکستان اور نیوزی لینڈ کی انڈر19 ٹیموں کے درمیان کرائسٹ چرچ میں ہونے والا دوسرا میچ بارش کی نذر ہوگیا، پاکستان انڈر 19 ٹیم نے دو میچز کی سریز ایک صفر سے جیت لی۔

کرائسٹ چرچ میں مسلسل بارش کے باعث پاکستان اور کیویز انڈر 19 ٹیموں کے درمیان میچ کھیلا نہ جا سکا اور یوں پاکستان نے نیوزی لینڈ انڈر 19 کے خلاف دو میچوں کی سیریز ایک صفر سے جیت لی۔

سیریز میں فتح کے بعد پاکستان انڈر 19 ٹیم اب ورلڈ کپ وارم اپ میچز کی تیاری کرے گی۔ ٹیم 8 جنوری کو نمیبیا کے خلاف اپنا پہلا وارم اپ میچ کھیلے گی۔