دبئی:پہلی بار گھٹنے کی تبدیلی کا آپریشن روبوٹس نے کیا

دبئی میں پہلی بار روبوٹس نے گھٹنوں کی تبدیلی کا کامیاب آپریشن کیا۔

دبئی کے مقامی اسپتال میں دو روبوٹس نے ایک سرجن کی زیر نگرانی گھٹنے کی تبدیلی کا آپریشن کامیابی سے سرانجام دے دیا ہے۔

سرجن نے پریس کانفرنس میں بتایا ہے کہ متحدہ عرب امارات میں مصنوعی ذہانت کی مدد سے گھٹنے کی تبدیلی کی سرجری کی گئی جس میں دو روبوٹس کی معاونت حاصل تھی۔

ان کہنا تھا کہ مصنوعی ذہانت کا استعمال دنیا بھر میں کامیابی سے کیا جا رہا ہے کیوں کہ اس میں غلطی کے امکان نہایت کم ہوتے ہیں جبکہ اعضاء کی پیوند کاری بھی کمال مہارت سے پایہ تکمیل کو پہنچ جاتی ہے اور یہ کم لاگت بھی ہوتی ہےاس لیے پہلی مرتبہ اس ٹیکنالوجی کو دبئی میں استعمال کیا گیا۔

وٹامن ڈی اور کیلشیم کی کمی کی وجہ سے ہڈیاں بھربھرے پن کا شکار ہو جاتی ہیں جس کے باعث پیر موڑنے میں یا اٹھے بیٹھنے میں شدید تکلیف ہوتی ہے جس کا پائیدار علاج گھٹنے کی تبدیلی کا آپریشن ہی ہے۔