فرمان الہی
نماز کے اوقات
کراچی میں شاہراہ فیصل پرڈاکوؤں اورپولیس میں مبینہ مقابلے کے دوران فائرنگ سے جاں بحق ہونے والے مقصود کی میت آبائی شہر ساہیوال پہنچا دی گئی، ورثاء نے دہائی دیتے ہوئے کہا کہ اعلیٰ حکام انہیں انصاف دلائیں۔
ساہیوال کےگاؤں 84 فائیو ایل کا رہائشی جواں سال مقصود5بہنوں کا اکلوتابھائی تھا اور روزگار کے سلسلے میں لائنز ایریا کراچی میں مقیم تھا۔
ذرائع کے مطابق 20دن بعد اسے دُلہا بننا تھا،اس کی میت آبائی گاؤں پہنچی تو وہاں کہرام مچ گیااور ہر آنکھ اشکبار ہوگئی۔
گھروالوں نے بتایا کہ مقصودکراچی میں اپنے دوست عبدالرؤف کے رکشے میں، ایک سواری کو ایئر پورٹ پر چھوڑنے جارہا تھا کہ شاہراہ فیصل پر ڈاکوؤں اور پولیس میں مبینہ مقابلے کے دوران فائرنگ کا نشانہ بن گیا۔
پولیس کادعویٰ ہے کہ مقصود کی موت ڈاکوؤں کی فائرنگ سے ہوئے۔
