فرمان الہی
نماز کے اوقات
پاکستان سپر لیگ(پی ایس ایل) تھری کے نویں میچ میں اسلام آباد یونائیٹڈ نےکوئٹہ گلیڈی ایٹرز کو 135 رنز کا ہدف دیدیا ہے۔
اسلام آباد یونائیٹڈ کی طرف سے لیوک رونچی 43، مصباح الحق 22، فہیم اشرف21 اور ڈومینی 14رنز کی بدولت مقررہ 20 اوورز میں 7 وکٹ پر 134 رنز بنائے۔
کوئٹہ گلیڈی ایٹرز کے کپتان سرفراز احمد نے ٹاس جیتا اور اسلام آباد یونائیٹڈ کو بیٹنگ کی دعوت دی، لیوک رونچی اور چیڈوک والٹن نے اننگز کا آغاز کیا۔
یہ بھی پڑھیے: کوئٹہ گلیڈی ایٹرزکا ٹاس جیت کر فیلڈنگ کا فیصلہ
اسلام آباد یونائیٹڈ کی پہلی وکٹ 13 کے اسکور پر گری، چیڈوک والٹن 8 رنز بناکر انور علی کی گیند پر ایل بی ڈبلیو آئوٹ ہوگئے۔
کوئٹہ گلیڈی ایٹرز کو دوسری وکٹ 25 کے اسکور پر مل گئی، ون ڈائون پوزیشن پر آنے والے آصف علی کو راحت علی نے شاندار بولڈ کیا۔
تیسری وکٹ پر اوپنر لیوک رونچی اور جیک پال ڈومینی نے41 رنز کی شراکت قائم کی، 66 کے مجموعی اسکور پر 1 چھکے اور 7 چوکوں کی مدد سے 43 رنز بنانے والے لیوک رونچی کو حسان خان نے بولڈ کردیا۔
کپتان مصباح الحق نے جیک پال ڈومینی کے ساتھ مل کر چوتھی وکٹ پر 27 رنز کی شراکت قائم کی، 93 کے اسکور پر 14رنز پر کھیل رہے ڈومینی کو جان ہیٹنگز نے محمد نواز کی مدد سے قابو کیا۔
کوئٹہ گلیڈی ایٹرز کو پانچویں اور انتہائی اہم وکٹ 99 کے اسکور پر مل گئی،1چھکے اور 1چوکے کی مدد سے 22رنز بنانے کپتان مصباح الحق کو شین واٹسن نے میدان بدر کیا۔
اسلام آباد یونائیٹڈ کی چھٹی وکٹ 128رنز پر گری، فہیم اشرف نے 19ویں اوور میں شین واٹسن کو لگاتار 2 چھکے مارے تھے، وہ 21 رنز بناکر رن آئوٹ ہوگئے۔
کوئٹہ گلیڈی ایٹرز کے طرف سے راحت علی، انور علی، شین واٹسن، جان ہیٹنگز اور حسان خان نے ایک ایک وکٹ حاصل کرلی ہے۔
دونوں ٹیموں کے درمیان ایونٹ کا یہ پہلا میچ ہے ،اس سے قبل کوئٹہ اور اسلام آباد کی ٹیموں نے 2،2 میچز کھیل رکھے ہیں اور ایک ایک میں کامیاب رہے ہیں۔
مصباح الحق انجری کے باعث گزشتہ دو میچز میں اسلام آباد کی قیادت نہیں کرسکے تھے ،ان کی جگہ رومان رئیس نے ذمہ داری ادا کی تھی ، انہیں ایک میچ میں کامیابی ملی اور ایک میچ میں شکست کا سامنا کرنا پڑا تھا ۔
