روبوٹ بھی ریوبک کیوب حل کرنے لگے

10 مارچ ، 2018

امریکی ماہرین نے 0اعشاریہ 38سیکنڈ میں ریوبک کیوب حل کرنے والا روبوٹ تیار کرکے گنیز ریکارڈ توڑ ڈالا۔

یوں توآپ نے بچوں اور بڑوں سمیت کئی افراد کو ریوبک کیوب حل کرتے ہوئے دیکھا ہی ہوگا لیکن جناب انسان ہی نہیں اب تو روبوٹ بھی اس گتھی کو سلجھانے لگے ہیں۔

یقین نہیں تو ویڈیو میں نظر آنے والے اس روبوٹ کو ہی دیکھ لیں جو صرف 0.38سیکنڈ میں ریوبک کیوب حل کرنے کا ماہر ہے ۔

جی ہاں، بین کٹز اورجیرڈ کارلو نامی ماہرین نے ' روبوٹ تیار کیا ہے جو صرف 0.38سیکنڈمیں ریوبک کیوب حل کرنے کی صلاحیت رکھتا ہے جو اس وقت دنیا کاتیز رفتار سے ریوبک کیوب حل کرنے والا روبوٹ ہے تاہم گنیز آفیشلز کی جانب سے ابھی تصدیق کرنا باقی ہے۔