-
فرمان الہی
-
نماز کے اوقات
- جمعہ 17؍شوال المکرم 1445ھ26؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
ٹماٹروں کی بھرپور فصل نے کاشت کاروں کا کباڑا کردیا، قلت کے دنوں میں دو سو روپے کلو تک فروخت ہونے والا ٹماٹر بیوپاری ایک روپے کلو میں بھی خریدنے پر تیار نہیں، اس صورت حال سے کاشت کار شدید مالی پریشانی سے دوچار ہیں۔
چند ماہ پہلے کاشتکاروں پر قسمت کی دیوی بڑی مہربان تھی اور انہوں نے ٹماٹر کی کاشت سے بڑا منافع کمایا،ٹماٹر دو سو سے روپے سے زائد فی کلو میں فروخت ہو رہے تھے، کاشتکاروں نے بھی لالچ میں آکر ہزاروں ایکڑ اراضی پر ٹماٹر کی کاشت کر ڈالی۔
ٹھٹھہ میں ٹماٹر کی پیداوار میں اضافے کے ساتھ ہی منڈی مندی پڑ گئی، دو سو روپے فی کلو فروخت ہونے والے ٹماٹر کو اب بیوپاری چند روپے فی کلو بھی خریدنے پر راضی نہیں، جس سے کاشتکاروں کوبھاری نقصان اٹھانا پڑ رہا ہے۔
بیوپاریوں کا کہنا ہے کہ ٹماٹر کے مناسب ریٹ نہیں مل رہے، حکومت سرکاری سطح پر ٹماٹر کی قیمتیں مقرر کر ے اور کاشتکاروں کے ساتھ ساتھ زرعی معیشت کو بھی پہنچنے والے نقصان سے بچایا جائے ۔
