بابر اور سیمنز کی ففٹیز، کراچی کا لاہور کو 164 رنز کا ہدف

پاکستا ن سپر لیگ(پی ایس ایل) تھری کے24ویں میچ میں کراچی کنگز نےلاہور قلندرز کو 164 رنز کا ہدف دیدیا ہے۔

کراچی کنگز نے مقررہ 20اوور زمیں لیڈل سیمنز اور بابر اعظم کی شاندار نصف سنچریوں کی بدولت 5 وکٹ کے  نقصان پر اسکور بورڈ پر 163 رنز کا ہندسہ سجایا۔

کراچی کیخلاف لاہور کا ٹاس جیت کر فیلڈنگ کا فیصلہ

دبئی انٹرنیشنل کرکٹ اسٹیڈیم میں کھیلے جارہے میچ میں لاہور قلندرز نے ٹاس جیت کر فیلڈنگ کا فیصلہ کیا ہے۔

عماد وسیم الیون کی طرف سے لیڈل سیمنز اور جوڈینلی نے اننگز کاآغاز کیا ،19 کے اسکور پر 3رنز بنانے والے جوڈینلی کو یاسر شاہ نے میدان سے چلتا کیا۔

دوسری وکٹ پر لیڈل سیمنز اور بابراعظم نے 72 قیمتی رنز کی شراکت قائم کی اور کراچی کنگز کو میچ میں بڑے اسکور کے ٹریک پر ڈال دیا ، دونوں کھلاڑیوں نےا س دوران 1 بلند و بالا چھکے سمیت کئی بار گیند کو بائونڈری لائن کی سیر کرائی۔

پی ایس ایل تھری، ہر روز رنگ بدلتا میلہ

میچ میں نصف سنچری اسکور کرنے والے لیڈل سیمنز 1چھکے اور 8چوکوں کی مدد سے 55رنز بناکر سہیل خان کا شکار بنے تو ٹیم کا اسکور 2وکٹ پر 91 ہوچکا تھا۔

124 کے اسکور پر لاہور قلندرز کے سہیل خان نے 1چوکا لگاکر 12 رنز بنانے والے انگرم کو گلریز صدف کی مدد سے قابو کیا۔

چوتھی وکٹ پر بابر اعظم نے روی بھوپارا کے ساتھ مل کر 24 قیمتی رنز کی شراکت قائم کی، وہ اس دوران اپنی نصف سنچری مکمل کرنے میں بھی کامیاب رہے۔

بابر اعظم 148 کے اسکور پر 1 چھکے اور 6 چوکوں کی مدد سے 61 رنز بناکر سہیل خان کا تیسرا شکار بن گئے۔

کراچی کنگز کی پانچویں آئوٹ ہونے والے کھلاڑی بوم بوم آفریدی تھے انہیں 6 کے انفرادی اسکور پر شاہین آفریدی نے بولڈ کیا۔

لاہور قلندرز کی طرف سے سہیل خان نے 3،شاہین آفریدی اور یاسر شاہ نے ایک ایک وکٹ اپنے نام کی۔