• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیکی شیروف اپنے بیٹے ٹائیگر کے خطرناک اسٹنٹ سے پریشان

آج کا اخبار
دل لگی
27 مارچ ، 2018
جیکی شیروف اپنے بیٹے ٹائیگر کے خطرناک اسٹنٹ سے پریشان

ممبئی(ایجنسیاں) جیکی شیروف فلموں میں بیٹے ٹائیگر شیروف کے خطرناک اسٹنٹ کرنے کی وجہ سے پریشان رہتے ہیں۔معروف بولی وڈ اداکار جیکی شیروف کے بیٹے ٹائیگر شیروف نے انتہائی کم عرصے میں فلم انڈسٹری میں اپنا نام بنایا اور آج ان کا شمار بولی وڈ کے نامور اداکاروں میں ہوتا ہے، ٹائیگر شیروف نوجوانوں میں حد مقبول ہیں اور اس کی وجہ صرف فلموں میں ان کے ایکشن اسٹنٹ ہیں، لیکن انہیں اسٹنٹ کی وجہ سے ٹائیگر کے والد جیکی شیروف کافی پریشان رہتے ہیں۔ایک انٹرویو میں ٹائیگر شیروف کا کہنا تھا کہ میں اپنی فلمی زندگی کو والد سے دور رکھتا ہوں اور اسکی وجہ صرف خطرناک ایکشن اسٹنٹ ہیں۔ ان کا کہنا تھا کہ والد جیکی شیروف کو ایک دن پہلے تک بھی شوٹنگ کے بارے میں نہیں بتاتا کیوں کہ اس میں خطرناک ایکشن اسٹنٹ شامل ہوتے ہیں۔ٹائیگر شیروف کا کہنا تھا کہ میں اپنے والد کا ڈر سمجھ سکتا ہوں، میں ان کا بیٹا ہوں اور اسی وجہ سے وہ پریشان ہوتے ہیں لیکن حقیقت میں وہ بہت زبردست انسان ہیں لیکن جب بھی کبھی میں کوئی ایسا کام کرتا ہوں تو جیکی شیروف ڈر جاتے ہیں۔

تازہ ترین