اکشے کمار اور سنیل شیٹھی کی تصویر دیکھ کر فلم ہیرا پھیری کی یادیں تازہ
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اکشے کمار اور سنیل شیٹھی کی تصویر دیکھ کر فلم ہیرا پھیری کی یادیں تازہ

اکشے کمار اور سنیل شیٹھی کی تصویر دیکھ کر فلم ہیرا پھیری کی یادیں تازہ

ممبئی ( مانیٹرنگ ڈیسک) بولی وڈ کھلاڑی اکشے کمار نے اپنے ٹوئٹر اکاؤنٹ پر ساتھی اداکار کے ساتھ ایک ایسی سیلفی شیئر کی جس سے مداحوں کو ان کی یادگار اور کامیاب فلم ’پیرا پھیری‘ یاد آگئی۔یہ ساتھی کوئی اور نہیں بلکہ سنیل شیٹھی ہیں، جن کے ساتھ اکشے کمار نے ماضی میں کئی کامیاب فلموں میں کام بھی کیا۔اس تصویر کو شیئر کرنے کے ساتھ اکشے کمار نے لکھا کہ انہیں اپنے پرانے دوست اور ساتھی اداکار سنیل شیٹھی سے ہمیشہ مل کر بےحد خوشی ہوتی ہے۔جس کے بعد سنیل شیٹھی نے بھی اس تصویر کو ری ٹویٹ کیا اور اکشے کمار کو راجو مخاطب کرتے ہوئے لکھا کہ ان سے ملنا ہمیشہ ہی اچھا لگتا ہے۔اس سیلفی کے بعد مداحوں نے ان دونوں سے دوبارہ ایک ساتھ فلم کرنے کی درخواست بھی کردی۔جبکہ ان کی کامیاب کامیڈی فلم ’ہیرا پھیری‘ کی یادیں بھی تازہ ہوگئیں۔اداکار ارجن کپور نے بھی ان سے سوال کرلیا کہ ’راجو اور شام تو یہاں ہیں، لیکن بابو بھائی کہاں گئے؟‘خیال رہے کہ اکشے کمار اور سنیل شیٹھی ایک ساتھ ’ہیرا پھیری‘، ’دیوانے ہوئے پاگل‘، ’دھڑکن‘ اور کئی کامیاب فلموں میں کام کرچکے ہیں۔یہ دونوں اپنے وقت کے کامیاب ایکشن ہیرو مانے جاتے تھے۔

دل لگی سے مزید