وزیراعظم شاہد خاقان عباسی نے نئے صوبے بنانے کے معاملے پر تمام سیاسی جماعتوں کو بات چیت کی پیشکش کردی ہے ۔
بہاولپور لنک روڈ کے افتتاح کے موقع پر وزیراعظم نے کہا کہ چاروں صوبوں میں نئے صوبوں کے مطالبات ہیں ، تمام جماعتوں کو اتفاق رائے سے فیصلہ کرنا ہوگا ،آئین میں ترمیم کوئی ایک جماعت نہیں کرسکتی ۔
انہوں نے مزید کہا کہ سندھ میں زرداری ،کے پی کے میں عمران خان اور پنجاب میں شہباز شریف کے کام دیکھ لیں فرق صاف ظاہر ہے ۔
شاہد خاقان عباسی نے یہ بھی کہا کہ فیصلہ عوام کا ہوتا ہے وفاداریاں بدلنے کا زمانہ گزرگیا ۔