راولپنڈی آرٹس کونسل میں مقابلہ دستکاری ، ہنر مندوں کے منفرد کام کی پذیرائی

میرا شہر

اسلام آباد

30 اپریل ، 2018

راولپنڈی ( اپنے نامہ نگار سے) راولپنڈی آرٹس کونسل کے زیراہتمام ٹیلنٹ ہنٹ مقابلہ دستکاری کا انعقادکیا گیا ،جس میں راولپنڈی ڈویثرن سے نوجوان دستکاروں نے بھرپورشرکت کی۔سنیٹرنجمہ حمیداورممبرپنجاب اسمبلی لبنیٰ ریحان پیرزادہ تقریب تقسیم انعامات کہی مہمانان خصوصی تھیں۔مقابلہ میں 14قسم کی دستکاریوں سے تعلق رکھنے والوں دستکاروں نے اپنی صلاحیتوں کے جوہردکھائے جن میں پیپرماشی،مٹی کے برتن،لکڑی پرکشیدہ کاری، نمدہ گبہ،ٹرک آرٹ،مجسمہ تراشی،ڈول میکنگ،زری ورک،کشیدہ کاری اوردیگردستکاریاں شامل تھیں جبکہ خالدجاوید،سلیم اللہ اورزوبیہ سلطانہ نے ججزکے فرائض انجام دیے۔مقابلے کا مقصداصل دستکارون کے کام کوسامنے لانا اورانھیں قومی دھارے میں شامل کرنا تھا۔سنیٹرنجمہ حمیدنےکہا کہ یہ دستکاروں کے مابین اپنی نوعیت کا منفردمقابلہ تھا جس میں پہلی باران کے فن کوپذیرائی ملی ہے اوران کے کام کوحکومتی سطح پرتسلیم کیا گیا ہے۔ممبرپنجاب اسمبلی لبنیٰ ریحان پیرزادہ کا کہنا تھا کہ یہ دستکارہمارے ملک کا روشن مستقبل ہیں اوریہ دنیا بھرمیں اس کے مثبت پہلوکا سبب بنیں گے۔ناہیدمنظورکا کہنا تھا کہ ایسے آرٹسٹوں کی حوصلہ افزائی بہت ضروری ہوتی ہے جوجن کوپلیٹ فارم میسرنہیں ہوتا۔ڈائریکٹرآرٹس کونسل وقاراحمدکا کہنا تھا کہ اس مقابلے سے اصل دستکارکی پہچان ہوئی ہے اوربہترین کام دیکھنے کو ملا ہے۔مقابلے میں انعامات جیتنے والوں میں حنا کلیم،شازی خلیل،سائرہ،مریم مشتاق،سمرہ حسن،ارسہ افتخار،سیدہ نورالعین،ندا طاہر،عتیقہ گل فراز،ساجدہ اشفاق،یمنہ ماہ نور،عتیقہ نور،عزیزالرحمان،نیلم سردار،محمدجواداحمد،ناصرحفیظ،صبا عمران،عرفان غلام نبی،محمداحسان،غلام حسین،صدف نثار،بشرہ پاشا،حنا طاہر،تنویربی بی،شائستہ،امبرین فاطمہ،اعجازاحمد،انعام،ابراہیم،روبنہ ذوالفقاراورصادقہ خالدشامل تھیں۔انعامات جیتنے والے دستکارلاہورمیں کل پنجاب مقابلہ دستکاری میں شریک ہوں گے۔مقابلوں میں شریک دستکاروں کاڈیٹا محکمہ اطلاعات وثقافت کی ویب سائٹ پرجاری کیا جائے گا اوران کوبین الاقوامی منڈی سے منسلک کیا جائے گا۔تقریب تقسیم انعامات نوجوان گلوکارعمیرعلی،سرفراز،ماریہ کنول اورمہرانجم نے بھی اپنی آوازکا جادوجگایا۔

تازہ ترین