ٹرمپ نے کم جونگ آن کو جوابی دھمکی دیدی

19 مئی ، 2018

امریکی صدر ڈونلڈ ٹرمپ نے شمالی کوریا کو دھمکی دی ہے کہ امریکا سے کوئی معاہدہ نہیں کیا گیاتو اس کا حشر بہت برا ہو گا اور اسے صفحہ ہستی سے مٹایا جا سکتا ہے۔

صدر ٹرمپ نے لیبیا کی مثال دیتے ہو ئے کہا کہ شمالی کوریا لیبیا کی مثال یاد رکھے اور اگر امریکا سے کسی قسم کا کوئی معاہدہ نہ کیا گیا تو کم جونگ آن کا یہ آخری فیصلہ ثابت ہو گا۔

امریکی تر جمان نے اس صورت حال پر تبصرہ کرتے ہو ئے کہا تھا کہ لیبیا میں سی آئی اے نے بغاوت کرائی تھی اور لیبیا کے صدر کرنل معمر قذافی کو قتل کرکے لیبیا کی سڑکوں پر گھسیٹا گیا تھا۔

دوسری جانب ٹرمپ انتظامیہ اب بھی پر امید ہے کہ جون میں شمالی کوریا کے سربراہ کم جونگ آن کے ساتھ امریکی صدر ڈونلڈ ٹرمپ کی متوقع ملاقات حالیہ واقعات کے باوجود منسوخ نہیں ہو گی۔وائٹ ہاؤس کے ایک ترجمان نے کہا ہے کہ صدر ٹرمپ اس ملاقات کے لیے تیار ہیں۔

واضح رہے کہ شمالی کوریا کے کم جونگ آن دھمکی دی تھی کہ اگر امریکا نے شمالی کوریا پر جوہری ہتھیاروں کے خاتمے پر زور دیا تو 12 جون کو سنگاپور میں ہونے والی ملاقات منسوخ کر دی جائے گی۔

تازہ ترین