آپ آف لائن ہیں
جنگ ای پیپر
اتوار 11؍صفر المظفّر 1440ھ 21؍اکتوبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
نواز شریف کے نئے وکیل نے وکالت نامہ جمع کرادیا

سابق وزیر اعظم نوازشریف کی جانب ان کے نئے وکیل نے وکالت نامہ داخل کرا دیا۔

احتساب عدالت کے جج محمد بشیر نے ایون فیلڈ ریفرنس کی سماعت کی، اس موقع پر نواز شریف کی جانب سے جہانگیر جدون نے وکالت نامہ داخل کرادیا۔

نواز شریف کے خلاف نیب کے تینوں ریفرنسز، العزیزیہ اسٹیل ملز، فلیگ شپ انویسمنٹ اور ایون فیلڈ پراپرٹیز ریفرنس میں جہانگیر جدون ایڈووکیٹ سابق وزیراعظم کی وکالت کریں گے۔

اس سے قبل نواز شریف کے وکیل خواجہ حارث نے سپریم کورٹ کی جانب سے احتساب عدالت کو ہدایات دینے پر کیس کی پیروی سے معذرت کرلی تھی اور گزشتہ پیشی میں نواز شریف وکیل کے بغیر عدالت میں پیش ہوئے جس کے بعد ایون فیلڈ پراپرٹیز ریفرنس کی سماعت 19 جون تک ملتوی کر دی گئی تھی۔

سابق وزیراعظم اور مریم نواز کو عدالت نے آج کے لئے حاضری سے استثنیٰ دے رکھا تھا جب کہ مریم نواز کے وکیل امجد پرویز بھی آج پیش نہ ہوئے۔

ان کے معاون وکیل نے عدالت کو بتایا کہ امجد پرویزکی طبیعت خراب ہے لہذاعدالت میں پیش نہیں ہو سکتے ۔عدالت نے امجد پرویز کو19 جون کو حتمی دلائل کے لیے آخری موقع دے دیا ۔

احتساب عدالت میں العزیزیہ اسٹیل ملز اور فلیگ شپ انویسٹمنٹ ریفرنسز کی سماعت بھی 19 جون کے لیے مقرر ہے جب کہ العزیزیہ اسٹیل ملز ریفرنس میں عدالت نے واجد ضیاء کو بھی طلب کر رکھا ہے۔

Chatاپنی رائے سے آگاہ کریں