آپ آف لائن ہیں
جنگ ای پیپر
اتوار16؍رجب المرجب 1440ھ 24؍مارچ 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غالب عرفان

چشم پوشی حیات سے کب تک؟

بے رخی اپنی ذات سے کب تک؟

رابطہ ہو، عوام سے ورنہ

دوستی شخصیات سے کب تک

دل کا آئینہ صاف ہو تو کہوں

رغبتیں واہیات سے کب تک

خرچ اپنا تو اپنے بس میں رہے

بڑھ کے اپنی بساط سے کب تک

آپ نقاد ہیں تو سچ لکھیں

کھیل یہ لفظیات سے کب تک

ہار تسلیم، ہو تو جرأت سے

ورنہ شرم، اپنی مات سے کب تک

اپنی پہچان کے تجسس میں

فاصلہ شہرِ ذات سے کب تک

راہِ عرفاں کا ہر سوال، مگر

ذات اور کائنات سے کب تک ؟

O۔۔۔O۔۔۔O

Chatاپنی رائے سے آگاہ کریں