فرمان الہی
نماز کے اوقات
عوامی مسلم لیگ کے سربراہ شیخ رشید نے کھڑے کھڑے اپنی دونوں ہاتھوں میں پہنی انگوٹھیوں کی بولی لگادی اور کہا کہ ن لیگ میں فارورڈ بلاک بھی بنے گا اور اسحاق ڈار سمیت کئی اہم لوگ سلطانی گواہ بھی بنیں گے۔
صحافی نے عوامی مسلم لیگ کے سربراہ سے پوچھا آپ نے بھی عمران خان کی طرح دونوں ہاتھوں میں انگوٹھیاں پہن لی ہیں؟
شیخ رشید نے جواب دیا کہ آپ خریدلیں1500 کی خریدی ہیں لیکن 3ہزار کی بیچوں گا۔
میڈیا سے گفتگو میں ان کا کہناتھاکہ سب سے پرانا پارلیمنٹیرین ہوں، میرے لیے دعا کیا کریں۔
شیخ رشید نے یہ بھی کہا کہ عمران خان نے ابھی تک حلف نہیں اٹھایا اور ان کا یہ حال ہے،یہ لوگ حکمرانی کے بغیر نہیں رہ سکتے۔
انہوں نے مزید کہاکہ یہ سمجھتے تھے کہ جیل جائیں گے تو ہمالیہ روئے گا، ایک ٹائر تک نہیں جلا ،عمران حلف اٹھالیں ، آپ دیکھیں گے ن لیگ میں کتنا بڑا فارورڈ بلاک بنے گا۔
عوامی مسلم لیگ کے سربراہ نے کہا کہ پی ٹی آئی نے تن تنہا 2 صوبوں میں آپ کو شکست دی ہے، عمران خان وقت کی ضرورت ہیں ،اپوزیشن اپنے مسائل پر ازسرنو غور کرے۔
شیخ رشید نے کہا کہ عمران کے راستے میں رکاوٹ کھڑی کرنے کا فائدہ نہیں ہوگا ، جمہوریت کے لیے مسائل کھڑے ہوجائیں گے ۔
ان کا کہناتھاکہ ن لیگ میں فارورڈ بلاک بھی بنے گا اور اسحاق ڈار سمیت کئی اہم لوگ سلطانی گواہ بھی بنیں گےجبکہ پیر کی صبح تک پنجاب کے وزیراعلیٰ کا فیصلہ ہوجائےگا۔
