’الیکشن میں اقلیتوں کی کامیابی بڑی پیشرفت ہے‘

11 اگست ، 2018

صدر مملکت ممنون حسین نے کہا ہے کہ عام انتخابات میں جنرل نشستوں پر اقلیتی امیدواروں کی کامیابی بڑی پیش رفت ہے ،اب یہ پروپیگنڈا ختم ہونا چاہئے پاکستان میں اقلیتوں کو آگے بڑھنے کے مواقع حاصل نہیں۔

اقلیتوں کے قومی دن پر تقریب سے خطاب میں ان کا کہنا تھاکہ اقلیتوں پر مشکل وقت میں پاکستانی قوم اپنے بھائیوں کے شانہ بشانہ کھڑی ہوئی، علما اور مذہبی پیشواؤں نے ہمیشہ رواداری کے فروغ کے لیے کام کیا ، حکومت عوام کی طاقت کے ذریعے ہی انتہا پسندی کا خاتمہ کرنے میں کا میاب ہوئی۔

انہوں نے کہا کہ ہ اقلیتی برادری سے تعلق رکھنے والی لاتعداد شخصیات نے دفاع وطن، صحت، تعلیم اور فنون لطیفہ کے شعبوں میں قابل قدر خدمات انجام دے کر قومی تاریخ میں بہترین کردار ادا کیا ہے۔

صدر مملکت نے کہا کہ آج کا دن قومی تعمیر و ترقی اور استحکام کے لیے ان کی خدمات اور ایثار و قربانی کے اعتراف اور خراج تحسین پیش کرنے کا بہترین موقع فراہم کرتا ہے

انہوں نے مزید کہا کہ سیاست میں بھی ہم آہنگی پیدا کرنے کی ضرورت ہے، نفرتیں پروان چڑھیں تو قومی ترقی کا خواب شرمندہ تعمیر نہ ہوسکے گا۔

تازہ ترین