ٹھنڈا پانی پینے سے وزن کم کیا جاسکتا ہے؟

18 اگست ، 2018

ہمارے جسم کا 70فیصد حصہ پانی پر مشتمل ہے، جس سے یہ بات سمجھ میں آتی ہے کہ پانی صحت مند جسم کے لئے کتنا ضروری ہے،آپ نے یہ بھی سنا ہوگا کہ ٹھنڈا پانی پینازیادہ کیلوریز برن کرنے میں مددگا ہوتا ہے لیکن بدقسمتی سے یہ صرف ایک فرضی بات ہے۔

یہ خیال کیا جاتا ہے کہ پانی کو بنیادی درجہ حرارت پر لانے کے لئے جسم کو زیادہ توانائی صرف کرنا پڑتی ہے لیکن مطالعہ کے بعد پتہ چلا ہے کہ توانائی کی یہ مقدار بہت کم ہوتی ہے، جسم صرف چار سے سات اضافی کیلوریز برن کرتا ہے جو زیادہ نہیں ۔

ایک اور تحقیق میں تجویز کیا گیا ہے کہ زیادہ پانی پینا وزن کم کرنے میں مددگار ثابت ہوسکتا ہے، خصوصاً جب اس پرلمبے عرصے تک عمل کیا جائے تاہم اس کا پانی کے درجہ حرارت سے کوئی تعلق نہیں۔

ٹھنڈا پانی پینے کے بعض فوائد ضرور ہیں جن کا وزن میں کمی سے تعلق نہیں،ماہرین کے مطابق ٹھنڈا پانی جلد کی سطح پر خون کی گردش کو بڑھا تا ہے، جو آپ کی جلد میں چمک پیدا کرسکتا ہے۔

ورزش کے دوران ٹھنڈا پانی ڈی ہائیڈریشن کو کم کرتا ہے جس سے تھکاوٹ کے احساس میں کمی محسوس ہوتی ہےاور آپ زیادہ دیر تک ورک آؤٹ کرسکتے ہیں۔

یہ ضروری نہیں کہ پانی گرم، نارمل یا ٹھنڈا ہو اہم بات یہ ہے کہ مسلسل پیا جائے کیونکہ ڈی ہائیڈریشن تھکاوٹ،چڑچڑاپن، پٹھوں میں درد، چکر آنے اور سردرد کا باعث ہوسکتا ہے جبکہ میٹابولزم کا عمل بھی سست روی کا شکار ہوسکتا ہے۔

تازہ ترین