فرمان الہی
نماز کے اوقات
ورلڈ بیس بال سافٹ بال کنفیڈریشن کی سیکریٹری جنرل داتولوبینگ چو نے کہا ہے کہ پاکستان میں شیراز آصف جیسے نوجوان کھلاڑیوں کی بڑی تعداد بہت باصلاحیت ہے مگر عالمی سطح پر کم تجربے کے باعث مطلوبہ نتائج حاصل نہیں ہوپاتے پاکستان اولمپک ایسوسی ایشن کے صدر جنرل عارف حسن سے بیس بال اور سافٹ بال کے کھیل سے متعلق تفصیلی بات ہوئی ہے امید ہے کہ مستقبل میں دونوں کھیلوں میں پاکستانی کھلاڑیوں کی کارکردگی میں بہتری آئے گی ان خیالات کا اظہارانہوں نے جکارتہ کے گیلورا بنگ کارنواسٹیڈیم اوتاما کے بیس بال اسٹیڈیم میں 18 ویں ایشین گیمز میں شریک پاکستانی دستے کے سب سے کم عمر ایتھلیٹ اور جونیئر بیس بال پلیئر شیراز آصف سے ملاقات کے موقع پر کیا ملاقات میں ایشین سافٹ بال کنفیڈریشن کی سیکریٹری جنرل سیلی لم بھی موجود تھیں داتولوبین چوکاکہنا تھا کہ ایشین گیمز میں پاکستان بیس بال ٹیم کی کارکردگی تسلی بخش رہی ہے،اس موقع پر داتو لوبینگ چو اور سیلی لم نے شیراز آصف کوسوینیئر پیش کیا*قومی خواتین والی بال چیمپئن شپ آئندہ ماہ24سے 28اکتوبر تک پشاور میں کھیلی جائے گی جس ملک کے چاروں صوبوں،گلگت بلتستان،آزاد کشمیر اور اسلام باد سمیت پاکستان آرمی،ریلوے،ایچ ای سی ،واہ فیکٹری،واپڈاسمیت مختلف ڈیپارٹمنٹس کی ٹیمیں ایکشن میں نظر آئینگی، آرگنائزنگ سیکرٹری خالد وقار ہوں گے*قومی کر کٹ ٹیم کے سابق کپتان شعیب ملک نےکہاہےکہ قومی ٹیم کےسلیکشن پربات کرنامیراکام نہیں، معروف آل رائونڈرمحمدحفیظ کوکہیں بھی تحفظات کاذکرکرتےنہیں سنا۔ جمعے کوقذافی اسٹیڈیم میں میڈیاسے بات چیت کرتےہوئےشعیب ملک نے کہاکہ بطورکرکٹرآپ کومشکلات ہوں توبیٹھ کربات چیت کریں۔ محمدحفیظ کوکہیں بھی تحفظات کاذکرکرتےنہیں سنا۔ کوئی بھی ڈراپ کرکٹر ڈومیسٹک میں پرفارمنس سےواپس آسکتاہے۔ انھوں نے واضح کیاکہ سلیکشن پربات کرنامیراکام نہیں۔پاک بھارت میچ سے متعلق شعیب ملک نےکہاکہ بھارت اور پاکستان کا میچ پوری دنیا دیکھتی ہے۔ بھارت کےخلاف میچ کو صرف ایک میچ کی طرح کھیلناچاہیے۔ اس میں دبائو میں نہیں آنا چاہئے ، اس مقابلے کو صرف ایک میچ کے طور پر کھیلنا چاہئے ۔
بھارت کے ساتھ میچ ہمیشہ اہم ہوتا ہے* کراچی ہاکی ایسوسی ایشن کی کوششوں کے نتیجہ میں کے ڈی اے نے شہر کی تاریخ میں پہلی مرتبہ خواتین کی ہاکی ٹیم بنانے کا اعلان کیا ہے،ڈی جی کے ڈی اے سمیع الدین صدیقی نے یوم دفاع کے سلسلے میں ہونے والی تقریب میں کہا ہے کہ کے ڈی اے میں اس ماہ کے آخر تک خواتین ہاکی ٹیم بنانئی جائے گی جس کے لئے کراچی ہاکی ایسوسی ایشن کے ساتھ مل کر اوپن ٹرائلز سے کھلاڑیوں کا انتخاب کیا جائے گا، انہوں نے اس موقع پر ادارے کی مرد ہاکی ٹیم کے کھلاڑیوں کاماہانہ وظیفہ 12 ہزار سے بڑھا کر 20 ہزار کرنے کا بھی اعلان کیا اور ایم خالد کو ٹیم کو کوچ مقرر کیا،تقریب میں کے ایچ اے سیکریٹری حیدر حسین ۔ چیئر مین گلفراز خان ۔ سینئر نائب صدر ڈاکٹر عبدالماجدکے ایچ اے کے چیف سلیکٹر سجمیل احمد خان اور دیگر بھی موجود تھے ، اس موقع پر کھیلے گئے مردوں کے میچ میں سمیع اللہ الیون نے حنیف خان الیون کو شکست دی جبکہ شہلا الیون اور اسماشاہ الیون کے درمیان کھیلا جانے والا خواتین کا میچ برابر رہا*پاکستان ہاکی فیڈریشن کی ناقص کار کردگی کے خلاف اب فیڈریشن کے اندر بھی آواز بلند ہونا شروع ہوگئی ہے،پی ایچ ایف کے ڈائریکٹر ڈیولمپنٹ سابق ہاکی اولمپئن نوید عالم نے کہا ہے کہ وہ آج منگل کو لاہور میں پریس کانفرنس میں پی ایچ ایف میں ہونے والی اقربا پروری اورپاکستان ہاکی کے زوال کے محرکات، اقرباءپروری، بے ضابطگیوں. جانبدارانہ پالیسیوں، خلاف آئین پالیسیوں اور مارکیٹنگ افیئرز سے متعلق پردہ اٹھائیں گے۔
