آپ آف لائن ہیں
جمعرات15؍شعبان المعظم 1441ھ 9؍ اپریل2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سعدرفیق اورسلمان رفیق نیب کی زیر حراست

لاہور ہائیکورٹ نے خواجہ سعدرفیق اورسلمان رفیق کی عبوری ضمانت میں توسیع کی درخواست مسترد کردی جس کے بعد نیب نے خواجہ برادران کو حراست میں لےلیا۔

خواجہ سعد رفیق اور ان کے بھائی خواجہ سلمان رفیق کے خلاف قومی احتساب بیورو (نیب) کی تین رکنی تحقیقاتی ٹیم پیراگون ہاؤسنگ سوسائٹی میں مبینہ طور پر کی جانے والی کرپشن کی تحقیقات کر رہی ہے۔

نیب نے دونوں بھائیوں کو پیرا گون ہاؤسنگ اسکینڈل کی تحقیقات کے سلسلے میں پوچھ گچھ کے لیے کئی بار طلب بھی کیا ہے۔

دونوں بھائیوں نے نیب کی جانب سے ممکنہ گرفتاری کے پیش نظر لاہور ہائیکورٹ سے عبوری ضمانت لے رکھی تھی۔

 ترجمان نیب کا کہنا ہے پیراگون سٹی کرپشن کیس میں ضمانت قبل از گرفتاری خارج ہونے پر خواجہ برادران کو گرفتارکیا گیا۔

ترجمان نے یہ بھی بتایا کہ عدالتی فیصلے سے نیب کے ملزمان کیخلاف معقول شواہد پیش کرنیکی تصدیق ہوئی۔

نیب نےخواجہ سعد رفیق کی گرفتاری سےمتعلق اسپیکر قومی اسمبلی سےرابطہ کر لیا۔

قبل از گرفتاری درخواست ضمانت میں توسیع کے لیے خواجہ برادران آج لاہور ہائیکورٹ میں پیش ہوئے، جہاں جسٹس طارق عباسی کی سربراہی میں 2 رکنی بنچ نے درخواست پر سماعت کی۔سماعت کے بعد عدالت نے خواجہ برادران کی درخواست ضمانت مسترد کردی۔

اس موقع پر  خواجہ سعدرفیق کا کہنا ہے کہ عوام کی آوازدبائی نہیں جاسکتی،ہمارے صبر کا امتحان لیا جا رہا ہے ،نیب نے کوئی دستاویزپیش نہیں کی۔

قومی خبریں سے مزید