فرمان الہی
نماز کے اوقات
پنجاب کے شہر ساہیوال کے علاقے فتح شیر کے میں پولیس کے مبینہ تشدد سے ڈکیتی کے مقدمے کا زیر حراست ملزم جاں بحق ہو گیا ۔
ہلاک ہونے والے ملزم کے اہل خانہ نے اعلیٰ حکام سے مطالبہ کیا ہے کہ متعلقہ تھانے کے خلاف قانونی کارروائی کی جائے۔
متوفی کے بہنوئی طاہر کے مطابق 82 سکس آر کے رہائشی قاسم اور اس کے بھائی کو ایک ہفتہ قبل فتح شیر پولیس نے موبائل چھیننے کے مقدمے میں حراست میں لیا تھا۔
پولیس تشدد کے باعث اس کی موت ہوئی اور پولیس اہلکار قاسم کی لاش کو ڈی ایچ کیو اسپتال میں چھوڑ کر فرار ہو گئے۔
جاں بحق ملزم کے ورثاء نے ڈسٹرکٹ اسپتال میں احتجاج کرتے ہوئے اعلیٰ حکام سے واقعے کا نوٹس لینے کا مطالبہ کرتے ہوئے کہا ہے کہ ملزم کی ہلاکت کے ذمہ دار پولیس اہلکاروں کے خلاف سخت کارروائی کی جائے۔
