کراچی 75 فیصد ریونیو دیتا ہے مگر اُسے 5 فیصد بھی نہں ملتا، خالد مقبول

12 جنوری ، 2019

سندھ کے ریونیو کا 75 فیصد کراچی ادا کرتا ہے، خالد مقبول

ایم کیوایم کے رہنما اور وفاقی وزیر انفارمیشن ٹیکنالوجی خالد مقبول صدیقی نے کہا کہ سندھ کےریونیو کا75 فیصد کراچی ادا کرتا ہے لیکن پانچ فیصد بھی اس شہر کو نہیں ملتا۔

خالد مقبول صدیقی نے ایم کیوایم پاکستان کی جانب سےلیاقت آباد میں فری میڈیکل کیمپ کے دورے کے موقع پر کہا کہ اٹھارویں ترمیم کا ساتھ اس شرط پر دیا تھا کہ پاور اور وسائل کو تحلیل کیا جائے گا، سندھ کی نسل پرست اور مصنوعی اکثریت سے بننے والی حکومت نے کراچی کو لوٹ مار سمجھ رکھا ہے۔

رہنما ایم کیو ایم کا کہنا تھا کہ جو شہر آپ کو پال رہا ہے، وہ اس قابل نہیں رہا تو آئندہ بجٹ کا کیا بنے گا، یہ ذمہ داری حکومتوں کی ہوتی ہے۔

اُن کا کہنا تھا کہ خدمت خلق فاؤنڈیشن ہماری سیاست سے پہلے کا فلاحی ادارہ ہے اور رجسٹرڈ ہے۔

خالد مقبول صدیقی نے کہا کہ علیمہ خان ہوں یا کوئی اور، پاکستان کے آئین و قانون سے بالا تر نہیں ہوسکتا۔

تازہ ترین