شاہ رخ کے نائیجیرین مداحوں کی ایک اور ویڈیو وائرل

بالی ووڈ کنگ شاہ رخ خان کے نائیجیرین مداحوں نے ایک اور ویڈیو شیئر کی ہے، جو سوشل میڈیا پر وائرل ہوگئی۔

بھارتی اخبار ’ہندوستان ٹائمز‘ کے مطابق نائیجیرین نوجوانوں کے ایک گروپ نے دسمبر میں شاہ رخ خان کی فلم ’کل ہونا ہو‘ کے ٹائٹل سانگ کی ویڈیور شیئر کی تھی جو کافی پسند کی گئی تھی۔

اب اس گروپ نے شاہ رخ خان کی 1997ء میں ریلیز ہونے والی فلم ’دل تو پاگل ہے‘ کے گانے ’بھولی سے صورت آنکھوں میں مستی‘ کو گاتے ہوئے ویڈیو پوسٹ کی ہے، پہلی ویڈیو کی طرح یہ بھی سوشل میڈیا پر وائرل ہوگئی ہے۔