50ہزار بھارتی کسان سڑکوں پر آگئے

مطالبات پورے نہ ہونے پر بھارتی ریاست مہاراشٹر کے 50ہزار کسان ایک بار پھر سڑکوں پر نکل آئے ہیں۔

آل انڈیا کسان سبھا کے تحت ریاست بھر کے کسان آج ممبئی کی جانب لانگ مارچ کریں گے۔

مہاراشٹر کے 50 ہزار کسانوں کا قافلہ آج ناسک سے ممبئی کی جانب روانہ ہورہا ہے جن کا مطالبہ ہے کہ ان کے قرضوں میں کمی کی جائے ،انہیں آب پاشی کی سہولتیں اور پنشن فراہم کی جائے۔

مہاراشٹر حکومت کسانوں کے مطالبات اب تک پورے نہیں کرسکی ہے، ناسک سے نکلنے والا قافلہ 27 فروری کو ممبئی پہنچے گا۔